اشهر العبارات التى يقولها الاب والام فى مصر

أشهر عبارات يقولها الأب والأم في مصر




1.أوعى خيالك المريض يهيالك انك ممكن تاخد منى فلوس تانى

2. أنتا مالك من ساعة ما دخلت البيت و أنتا فرحان أنتا جاي من انهي غرزة
3. ذاكر ياموكوس مش فالح غير في الهيافة والكلام الفاضى.


4. خلصي أكلك وناميلك شويه عشان تقومي تزكريلك شويه.


5. ابقي تف على قبري لو نجحت.


6.ذاكر ساعتين بتركيز كأنك ذكرت اليوم كله (الغريب أما تقعد تذكر ساعتين يقول و هي دي مذاكره).


7.مذاكرة إيه ذا اللي على السرير.


8.بلاش البرفان وانتى نازله.


9.يا ابني تعال اقعد معانا ولا أنت مأجر اوضه جوه البيت......



10. يا خويا ياراتك حافظ الدروس اللي عندك زى ما أنت حافظ الاغانى كده

11. اعملي حسابك أول يوم من الدراسة تعملي حسابك الرسيفر هيتشال هو
والتليفزيون.


12.قبل الفجر: ارجع بات في المكان اللي أنت جاي منه.


13. لو كانت اللي علي التليفون طنط سلوى قولي لها ماما نايمة .


14. ابقي قابلني بكرة تاخد بالحزمة وتأكل كل حاجة غصب عنك.



15. عيشه تقصر العمر والواحد يلاقيها منين ولا منين وانأ خلاص زهقت وجبت أخري وأنا عارفه مش هترتاحو غير لما أموت.


16.يبنى حرام عليك هات قناة الناس الشياطين ماليه البيت.


17. امشي جاتك مشش في ركبك.


18.جتها نيلة إلي عايزة خلف تيجى تتفرج .


19.متحطيش الموبايل جنبك و أنت نايمه هيجبلك تخلف عقلي .


20.متتأخرش وهات عيش وأنت جاى .


21. هو ده اللي أنت فالح فيه طول الليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


22.كل يوم هات هات لما ربيتلى الهاتات (الحاج طبعا) مع انى مش عارف إيه الهاتات ده بس ماشية مع الجملة.


23 هتذااااااااكر هتاخد عينية مش هتذااااااااااكر هتاخد بالجزمة .


24.أوعى حد يضحك عليك ويقولك جرب السيجارة دي.


25.أبقا وريني مين حينفعك في الأخر من شوية الصيع إلى أنت مشيلى ورآهم .


26.قوم اقرأ ليك كلمتين ينفعوك.



27.لما ما ترضاش تأكل في البيت:طبعا مانت أتعودت علي أكل بره .


29. عيـــب ... لازم تحترم اللي أكبر منك .


30.كريم ذا عيل بايظ وماتمشيش معاه ثاني .



31. هيا الوزيرة معندهاش وزاره النهارده قومي يا حبيبتي الساعة بقت 3:00 .



32.قومي ساعدي أمك ده اللي هيتجوزك أمه داعية عليه.


33.أوعى حد غريب يديلك حاجه تأكلها و تشربها أو تاخدها منه .


34.يا ابني حرام عليك إلى بتعمله فينا ده.


35.ابقي قبلني لو فلحت ...بس ديما مش بيقلوا نقبلهم فينّ!!! غربيه .


36. كفاية رغي في التليفونات



37.ماتتأخرش علشان عندك مدرسة بكرة بدري


38. ادلعى ياهبة في أيامك المهببة

39.ده منظر اوضة بني آدم ، أنت عايش فيها أزاي؟.




40.لو مش فاهم حاجه ارفع أيدك و قول للأستاذ مش فاهم .. متتكسفش .


41. يأبني المذاكرة مابتخلص .... نفسي أشوفك مره ماسك كتاب.



42.مالكش دعوة بالسياسة .. وماتمشيش في مظاهرات .و امشي جوا الحيطة.



43. قومي سخني الأكل لأخو كي)كالعادة بتجيبو بارد ده لو مش مجمد
).


44. أبوكم كان دايماً بيطلع الأول على الفصل... " لما كلهم كده أمال مين إلى بيطلع الأخير .





** ملحوظة هامة ومش لازم ننساها **



طبعا كلنا قرينا الكلام ده وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي إحنا فيه
.............تحية خاصة لكل الأمهات والإباء تحية شكر وتقدير............